pythefnos gofal maeth
Y Pythefnos Gofal Maeth hwn, rydyn ni’n taflu goleuni ar brofiadau a heriau bob dydd o faethu.
Mae Pythefnos Gofal Maeth (PGM), sy’n cael ei drefnu bob blwyddyn gan Y Rhwydwaith Maethu, yn ymgyrch a ddyluniwyd i arddangos pŵer trawsnewidiol gofal maeth.
Bob blwyddyn, mae PGM yn dathlu agwedd wahanol ar faethu – o ddangos sut mae pawb yn gallu cynnig rhywbeth i gymunedau maethu a grym perthnasoedd.
Ar hyn o bryd, mae dros 7,200 o blant mewn gofal ledled Cymru. Mae cyfanswm o 3,538 o ofalwyr maeth yng Nghymru (Y Rhwydwaith Maethu, Medi 2025)
Eleni, bydd Pythefnos Gofal Maeth yn cael ei gynnal rhwng 11 a 24 Mai 2026. Dros y ddwy wythnos, bydd Y Rhwydwaith Mabwysiadu, ynghyd â sefydliadau maethu lleol ledled y DU, yn dathlu eu cymuned gofal maeth leol.
Mae’r thema eleni, ‘Dyma yw Maethu’, yn archwilio realiti maethu bob dydd, gan helpu i godi ymwybyddiaeth o’r gwahaniaeth cadarnhaol y mae gofalwyr maeth yn ei wneud.
Rydym yn rhannu canlyniadau arolwg gan 120 o ofalwyr maeth awdurdodau lleol sy’n rhannu profiadau go iawn o ymdrin ag ymddygiadau sy'n gysylltiedig â thrawma mewn plant a'r eiliadau bach sy'n gwneud gwahaniaeth mawr i blant mewn gofal.
dyma yw maethu
Cydweithrediad â Sam Gardner – yn ystod Pythefnos Gofal Maeth, bydd Sam yn rhannu ei brofiadau byw o ofal maeth mewn fideo ar TikTok, LinkedIn, Facebook ac Instagram.
stori samMae digon y gallwch ei wneud i gydnabod yr hyn sy’n gwneud y gwahaniaeth i daith faethu plentyn.
Yn ystod PGM, bydd ein timau Maethu Cymru lleol yn dathlu’r gwaith caled y mae gofalwyr maeth yn ei wneud drwy gydol y flwyddyn. O anfon tusw hardd o flodau at ofalwyr maeth a chynnal gweithdai creu torchau haf, i daith i’r sw neu gystadleuaeth bobi i ofalwyr maeth, mae ein timau lleol yn dod o hyd i ffyrdd anhygoel o ddangos ein gwerthfawrogiad.
Yn ystod y Pythefnos Gofal Maeth, bydd eich timau lleol o Faethu Cymru yn chwifio baneri y tu allan i swyddfeydd y cyngor ac yn y gymuned, o gaffis lleol i ganolfannau siopa – dewch i ddweud helo!
Mae aelodau o dîm Maethu Cymru a gofalwyr maeth lleol hefyd ar gael ar gyfer ymweliadau ysgol neu i siarad â chlybiau a chymdeithasau lleol am yr angen am ofalwyr maeth.
Efallai y byddwch chi’n gweld rhai o’n timau mewn parc neu ar daith gerdded maethu i fyny Pen y Fan, ar hyd promenâd Bae Colwyn neu o amgylch canol dinas Caerdydd, gan gynnal digwyddiadau dathlu, goleuo adeiladau a chodi arian – ac ymwybyddiaeth! Dewch i ymuno â ni, ein noddi neu ein hannog yn ein blaenau.
Gall hyd yn oed cyflogwyr sy’n hwyluso maethu [dolen] ymuno â’r dathliadau. O siarad am PGM ar y cyfryngau cymdeithasol a chydnabod gweithwyr gofalwyr maeth i addysgu’ch tîm ehangach am faethu a threfnu codi arian, mae pob ychydig yn helpu’r achos.
Ymunwch â ni ar-lein i sgwrsio am faethu gyda’ch awdurdod lleol.
Darllenwch fwy am faethu yng Nghymru, a dod o hyd i’ch awdurdod lleol.
Byddwn yn ymuno â’r sgwrs ar y cyfryngau cymdeithasol hefyd. Cymerwch ran gyda #PGM26 a thrwy ein dilyn ar Facebook, Instagram
