maethu nid-er-elw ac aros yn lleol

“Mae aros yn lleol wir yn cael effaith ar hunaniaeth person ifanc, felly mae medru aros yn yr un ysgol yn gallu bod yn hynod bositif,” meddai Em.

Wrth fyfyrio ar ble y dylid gwario arian, dywedodd Em:

“Baswn i’n dweud ar wella bywydau pobl ifanc a chryfhau’r berthynas rhwng gofalwyr maeth a phobl ifanc gyda phethau fel gweithgareddau a grwpiau cymorth.”

Cafodd Sophia Warner, 29, ei rhoi mewn gofal maeth am y tro cyntaf yn ddwy oed ac roedd mewn gofal parhaol erbyn iddi droi’n wyth oed. Er ei bod yn dweud i’w blynyddoedd cynnar fod yn “chaotic”, yn ystod y cyfnod hwn darganfyddodd gariad tuag at gelf. Fel rhan o’r ymgyrch Aros yn Lleol, mae hi wedi cynhyrchu darlun sy’n symbol o’r effaith y mae’r system gofal maeth wedi’i chael arni hi a’i theulu.

Dywedodd Sophia y gall gofal maeth awdurdodau lleol helpu i gynnal perthynas rhwng siblingiaid, a dylai hyn fod yn flaenoriaeth yn ei barn hi.

“Mae yna fanteision i aros yn lleol,” meddai Sophia. “Gall cynnal cysylltiadau â’ch cymuned, eich ysgol a’ch amgylchedd cyfarwydd helpu i leddfu rhywfaint ar y newid hwnnw. Ond, wrth galon hyn, mae’n ymwneud â’r perthnasoedd a’r cysylltiadau sydd eu hangen ar bobl ifanc i ffynnu, yn enwedig gyda’u brodyr a’u chwiorydd.

“Dylai cadw brodyr a chwiorydd gyda’i gilydd fod yn flaenoriaeth bob amser. Mae’n helpu pobl ifanc i deimlo’n llai unig, ac mae’n rhoi’r cymorth emosiynol sydd ei angen arnynt yn ystod cyfnod sydd mor anodd.”

“Rydym am drawsnewid gwasanaethau plant yng Nghymru mewn ffordd radical, a bydd y Bil hwn yn ein galluogi i ddileu elw o ofal plant mewn cartrefi plant a gwasanaethau maethu.

“Rydym yn cydnabod y rôl allweddol y mae Maethu Cymru yn ei chwarae wrth gefnogi ein gweledigaeth, a byddwn yn parhau i gefnogi gwasanaethau gofal maeth awdurdodau lleol yng Nghymru i ddod yn fwy cynaliadwy.”

“Mae maethu awdurdodau lleol yn sicrhau bod cyllid cyhoeddus yn cael ei gadw o fewn llywodraeth leol i gefnogi canlyniadau gwell a gwasanaethau cynaliadwy i blant. Mae’n golygu y gall pobl ifanc aros o fewn eu cymunedau lleol ac yng Nghymru, sy’n hynod o bwysig.

“Rydym am i unrhyw un sy’n ystyried maethu wybod bod ein timau maethu lleol yn mynd y tu hwnt i sicrhau bod gofalwyr maeth a phobl ifanc yn derbyn cefnogaeth lawn. Os hoffech gael rhagor o wybodaeth am faethu awdurdodau lleol, cysylltwch â’ch awdurdod lleol heddiw.”