amdanom ni
Lansiwyd Maethu Cymru ym mis Gorffennaf 2021, gyda’r nod o ddod â 22 o wasanaethau maethu awdurdodau lleol at ei gilydd fel rhwydwaith i wella recriwtio a chadw gofalwyr maeth yng Nghymru.
Fel un brand cyson, ein nod yw annog mwy o bobl yng Nghymru i ystyried maethu gyda’u hawdurdod lleol a chefnogi cadw gofalwyr maeth trwy ddod â chysondeb a gwella’r cynnig o gefnogaeth, hyfforddiant a buddion ychwanegol ledled Cymru.
Ein prif nod yw rhoi cyfle i blant aros yn lleol, ffynnu a gwella eu cyfleoedd mewn bywyd trwy ofalwyr maeth sy’n cael cymorth da.
Wedi’i ariannu gan Lywodraeth Cymru, mae ein gwaith yn cefnogi uchelgais Llywodraeth Cymru i ofal plant yng Nghymru gael ei ddarparu’n gyfan gwbl gan awdurdodau lleol a sefydliadau nid-er-elw a chael gwared ar wneud elw o ofal yng Nghymru erbyn 2027.
I ddarllen am ein cynnydd, gallwch ddod o hyd i’n hadroddiadau blynyddol isod.
swyddi gwaith cymdeithasol gyda maethu cymru
I weld y swyddi gwag sydd ar gael gyda Maethu Cymru ar hyn o bryd, ewch i’r ddalen ‘swyddi a gyrfaoedd’ ar wefan eich awdurdod lleol. I ddysgu mwy am swyddi gwaith cymdeithasol mewn cartrefi gofal ewch i wefan Gofalwn Cymru.
